Bah meng nê, tâm năm aơ, ta ntŭk mbra ƀư dăp rgum, đăp mpăn ƀon lan gŭ an 1.133 rnăk ta ăp nkual geh ma nău tât trôk nar lơh, hao 153 rnăk rđĭl đah trong nchrăp bôk năp. Nău rgâl gay ntrôl ngăch ntrơn nuĭh ƀon lan bah nkual pĭch rlâm, dak bŭk tât ntŭk gŭ đăp mpăn. Ăp ntŭk dơi ntrôl ngăch ƀư geh: Nău nchrăp ƀư ntŭk gŭ mhe nkual trôk nar lơh thôn Trà Cong, xã An Hòa; Nău nchrăp ƀư ntŭk gŭ mhe nkual trôk nar lơh rgum thôn Sông Ba, xã Ia Rsai n'hanh Nău nchrăp ƀư ntŭk gŭ mhe ndal nkual pĭch rlâm yôk Gành, thôn Xuân An, xã Đề Gi. Bah aƀaơ tât 2030, n'gor Gia Lai dăp rgum, đăp mpăn nuĭh ƀon lan luh bah nkual trôk nar lơh lah 1858 rnăk ta 13 trong nchrăp ntŭk gŭ mhe rgum n'hanh 3 trong nchrăp tâm rlŭ. Lĕ rngôch nău ŭch geh prăk ƀư rlău 1.087 rmen prăk, tâm nê rlău 207 rmen prăk ntop kơl na nê̆ an nuĭh ƀon lan mpeh jay gŭ, ntrơn du, hun hao tuch tăm, ndơ sa n'hanh dak dŏng.