Tĭng nău mbơh bah Rmôt rgum joi nting tahen ơm khĭt, tâm nar, ăp mpôl kan rgum joi tay ta ntŭk tâl bar mpeh Khu B, kuĭh kuai rlău 500m³ neh n’hanh pơk hvi ntŭk uănh năl.

Mpôl rgum, joi nting tahen ơm khĭt mpeh Bộ Tư lệnh Nkual ƀon têh Hồ Chí Minh hŏ năl saơ, rgum geh tay 10 nting tahen ơm khĭt n’hanh du nklâm ndơ njăt săk ta Khu B, Công viên Lê Thị Riêng. Kơp ntơm bah nar 23/6 tât lĕ nar 7/9, ăp mpôl kan hŏ năl saơ, rgum geh lĕ rngôch 592 nting tahen ơm khĭt, tâm nê 274 nting geh ndơ njăt. Tâm rnoh dja, 559 nting tahen ơm khĭt dơi saơ ta ăp ntŭk tâp êng êng; 33 nting tahen ơm khĭt dơi joi saơ ta 8 ntŭk môch tâp mpôl, lĕ bar ntŭk ta Khu A n’hanh prao ntŭk ta Khu B. Pah kan rgum joi nting tahen ơm khĭt ta Công viên Lê Thị Riêng dôl dơi an ƀư tay đŏng.