Kruanh dak Trương Tấn Sang tâm mâp [on lan ta quận 4 nkuăl [on têh Hồ Chí Minh.

            Ta rơh tât khâl Đức, Thủ tướng Nguyễn Tấn Dũng tâm nchră đah Thủ tướng Đức Angela Markel.

            Hội liên hiệp bu ur n’gor Dak Lăk mbơh [ư âk nău kan mpo\ng tât nar bu ur Việt Nam 20/10.

            Trung Quốc n’hanh Italia tâm ton âk nău kan ta âk ntrong kan đah rnoh khlay hao tât 10 rmen đôlar Mỹ.

            Rơh tâm nchră ăp nu^h kan gâl têh đah Hàn Quốc n’hanh dak Triều Tiên mô dơi geh nău tâm ton.

 

Nthoi tay bôk nău kan mâp nu\ih [on lan rơh r[u\n tal 8, Quốc hội khoá 13, nar n’aơ (15/10), Kruanh dak Trương Tấn Sang n’hanh ăp đại biểu Quốc hội ntu\k săch mrô ngoay, Mpôl đại biểu Quốc hội nkual [on têh Hồ Chí Minh le\ mâp nu\ih [on lan quân 4 nkual [on têh Hồ Chí Minh. Ndơn măt rmôt đại biểu djiăt nău rgop bah nu\ih [on lan, Kruanh dak Trương Tấn Sang an lah nău sa khâm sa [er hôm e lah nkô| nău khlay dơi ăp nu\ih [on lan nkoch. Kruanh dak m^n lah tâm năm bah năp, Đảng n’hanh Ngih dak du\t n’hâm lơh n’gang đah nău aơ n’hanh le\ dơi so\k du đêt nău geh ueh, yơn lah rđil đah nău mpo\ng đă ma Đảng n’hanh Ngih dak gluh an mô ho\ dơi geh, ăp ngih pah kan dơi kan an n’hao le\ nău kan rgum ntrôl dăng lơn trong kan lơh rchăng n’gang sa khâm. Djôt dơn nău rgop bah nu\ih [on lan mpeh nău jêr tâm nău kan dak si n’hanh nt^m nti, Kruanh dak an lah di lah hôm e âk nău mô ho\ [ư ueh [ư an nu\ih [on lan ji nuih, Đảng n’hanh Ngih dak le\ geh Nghị quyết mpeh rgâl mhe le\ rngôch nău kan nt^m nti, âk nău rgop bah nu\ih [on lan mbra dơi ăp đại biểu djiăt pah kan na nê| đah ăp ngih pah kan dơi kan gay joi trong mkra tâm khay tât./.

 

{ư tay ăp nău kan tâm bôk nău kan tât khâl ngăn ngên Đức bâh Thủ tướng Nguyễn Tấn Dũng, kêng măng nar naơ t^ng mông Việt Nam, ta thủ đô Berlin, lôch lễ vơt, Thủ tướng Nguyễn Tấn Dũng le\ geh rơh tâm nchră đah Thủ tướng Đức Angela Markel. Ta nău đăp mpăn, kloh rjăp, bar hê Thủ tướng ndrel tâm mbơh ăp ntrong kan n’hanh nău kan na nê| gay ntrôl dăng nău tâm boh tâm rnglăp bar ding Việt Nam-Đức. thủ tướng Angela Markel lah na ne| Đức kơl nău m^n bâh Việt Nam ta nău dak lêng biển Đông. Đức tâm ban kơt âk dak châu âu mbra ndơ\ nău aơ tâm nchră ta rơh r[u\n nchră gâl têh ASEM tal 10 geh [ư ta Milan. Bar hê thủ tướng tâm ban u\ch gay ma n’hao nău tâm mbơh kan ăp gâl kan, na nê| lah gâl kan têh gay ma ntop soan ntrôl nău tâm boh tâm kơl bar ding ta le\ rngôch ăp ntrong kan. Bar hê thủ tướng le\ tâm ban u\ch ntrôl ngăch nău kan tâm kơl tơm kơl Jay ta Đức, rdâk njêng tàu điện ngầm mbrô 2 ta nkuăl [on têh Hồ Chí Minh, njêng ntrôl nău ntuh kơl bâh Đức ta Việt Nam.

            Dơn nău jă bah Groi Tổng thống dak Iran Mohamad Shariatmadari, Groi Thủ tướng Nguyễn Xuân Phúc le\ khâl na nê| I ran bah nar 13 tât nar 15/10/2014. Ta ăp nar mâp, 2 ding m^n lah mbra tâm rgop tay, tâm kơl ndrel ta ăp rơh r[u\n lam ntu\r neh n’hanh âk ding, ton mbra uănh m^n tay nău kơl Việt Nam tâm Hội đồng Bảo an Liên hợp quốc năm kan 2020-2021; nkre đă Việt Nam kơl I ran nglăp Hiệp ước dăch dêh n’hanh kan ndrel đah ASEAN. 2 ding tâm ban u\ch đo\ng ăp nău kơl lor kan ndrel geh tăch rgâl, ntuh kơl, khoa học công nghệ, tuch tăm lo\ mir, u\nh nar, pâl n’iah…; nsrôih n’hao geh prăk tăch rgâl 2 dak hao âk tơ\ rđil đah a[aơ gay tâm di đah nău ơm geh n’hanh jâng nsan bah 2 ding…/.        

 

Ôi nar naơ 15/10, Uỷ ban nhân dân n’gor Bắc Kạn [ư Đại hội đại biểu ăp mpôl rnoi đê| nu^h n’gor Bắc Kạn tal 2, năm 2014. Bắc Kạn lah n’gor yôk đah rnoh nu^h rlău 300 rbăn nu^h, tâm ne\ [on lan rnoi đê| geh rlău 86% nu^h. đah bôk nău “ăp mpôl rnoi Bắc Kạn tâm ban, tâm rnglăp, m^n kan nsum rdâk njêng [on lan hun hao nâp nâl”, đại hội le\ geh ua\nh năl, nglôch lôch nău kan mpôl rnoi lvang năm 2009-2014 n’hanh ntrong kan nău kan tơm bâh ăp mpôl rnoi tât năm 2019. di rơh aơ, đại hội le\ pă ndơ nkhôm rnê bâh kruanh n’gâng kan, kruanh uỷ ban dân tộc an 1 ntu\k kan, 5 nu^h kan geh nău dơi têh, uỷ ban nhân dân n’gor pă bằng khen an 18 ntu\k kan, 38 nu^h kan ntoh lư tâm nău ndâk nsơm, n’hao nău tâm rnglăp mpôl rnoi.

 

R[o\ng tât nkah g^t Nar Bu ur Việt Nam (20/10), Hội Liên hiệp bu ur n’gor Dak Lak [ư âk nău kan ta ăp gưl bah dâng n’hanh gưl n’gor. Ta gưl bah dâng, bu ur Dak lak [ư nau rgo\ jă nti n’hanh [ư t^ng nău m^n ueh ang Hồ Chí Minh hăn ndrel đah ntrong [ư ntêm nkrem tâm pah kan, nkra njêng n’hanh pah kan, rgo\ jă ndâk njêng rnăk wâl “5 mô, 3 kloh”, … Tâm khay 10 aơ, Hội Liên hiệp bu ur n’gor Dak Lak nt^m rđau, nt^m ăp Hội bah dâng [ư âk nău rgum nchră, tâm pă nău blău ơm mpeh “Trong mkra n’hao ueh, hao rnoh cán bộ bu ur râng gưl uỷ rđau kan, mât uănh ngih dak”; [ư mâp măt, rnê ăp nu\ih, ntu\k kan rmôt kan bu ur bah dâng geh âk nău dơi ntoh lư tâm rnôk pah kan; tâm n’u\r “Kruanh rmôt kan bu ur bah dâng g^t blău năm 2014”,… Wa Nguyễn Thị Lộc, groi kruanh Hội Liên hiệp bu ur n’gor Dak Lak, an g^t:

“Đah ntu\k bah dâng ntơm [ư uănh n’ôi tay, uănh lah, [ư ăp rơh rgum nchră gay phâm [ư kơl an ăp ntu\k đăp mpăn rnoh bu ur râng tâm gưl uỷ tong bah 15% let lơ, râng tâm Hội đồng nhân dân n’hanh ngih pah kan [on lan săch đă ăp n’gâng kan an geh bah 25% let lơ. Ăp ntu\k kan [ư mâp măt, tâm rgâl, tâm pă ăp nău blău ơm n’hanh rnê rhơn kruanh bu ur bah dâng g^t blău bah gưl [on lan tât gưl nkuăl n’hanh gưl n’gor”.

 

            Kahg^t 50 năm nar kh^t bâh tahen Nguyễn Văn Trỗi kh^t ta 15/10/1964-15/10/2014, măng nar naơ 15/10, đoàn nkuăl [on têh Hồ Chí Minh [ư rnê 27 mom ndăm geh nău nkhôm rnê geh ntơ Nguyễn Văn Trỗi tal 7. năm aơ, ndơ nkhôm rnê Nguyễn Văn Trỗi hôm nha geh pă an ăp mom ndăm nu^h kan lah cán bộ đoàn, nkre nsrôih tât râng an ăp nău kan bâh Đoàn, nkre lah ăp nu^h kan khlay tâm nău kan rgâl mhe nău kan kĩ thuật ta ăp doanh nghiệp.

 

Ntop tay du nău ot [om-ndrăk djiă, [ư rtoh kh^t nu\ih mhe geh ta n’gor Gia Lai. Tâm rnoh 3 nu\ih rmanh, 2 nu\ih le\ kh^t dil ta ntu\k, du hê dôl tâm nu nău rmanh jru. 3 nu\ih dơi g^t lah Phạm Đình Thu (35 năm deh), Nguyễn Văn Thông (36 năm deh) n’hanh Lê Tấn Quang (31 năm deh), ndrel gu\ ta thôn 1, xă Thăng Hưng, nkuăl Chư Prông (n’gor Gia Lai). Klong nar 14/10, rnôk hăn joi ndơ djiă ta xă Ia Bồ nkuăl Đức Cơ, 3 nu\ih joi saơ du grăp [om jêng le\ ndrel ot [om gay so\k nsiu rtoh. grăp [om rtoh [ư Phạm Đình Thu n’hanh Lê Tấn Quang kh^t ta ntu\k, Nguyễn Văn Thông sôt rmanh jru, hôm e ji mbăn./.

 

            Geh tât rơh kh^th ndơ sa ta Cty trách nhiệm hữu hạn một thành viên DHA (Cty kachoh bok ao) ta n’gor Bắc Ninh: tât 4 mông kêng măng nar 15/10, klâp ma du gâl pe rnoh nu^h kan geh kh^h ndơ sa lôch tât săm ta ngih dak si le\ bah n’hanh s^t ta jay, rnoh hôm e dôl geh gu\ săm ta ngih dak si. A năơ ne\, lôch sông măng nar 14/10, du đê| nu^h kan bâh cty trách nhiệm hũu hạn một thành viên DHA ta nkual têh Thứa, nkuăl Lương Tài, n’gor Bắc Ninh geh saơ nău kh^h ndơ sa lăp săm ta ngih dak si. Tât nar 15/10, rnoh nu^h kan geh ji ndul, m’ưm hok, wơi măt, ji ndul le\ lăp săm ta ngih dak hao tât 260 nu^h.

 

Tâm rơh hăn khâl bah Thủ tướng Trung Quốc Lý Khắc Cường tât Italia, 2 ding le\ ký ton âk nău ton kan ndrel tâm âk ntil nău kan đah rnoh khlay hao tât 10 rmen đôlar. Ntoh ngơi đah nu\ih nchih nău mhe jêh rơh tâm nchră đah wa Lý Khắc Cường, Thủ tướng Italia Matteo Renzi uănh lah prêh rơh hăn khâl aơ n’hanh uănh aơ lah nkhêp di kan ndrel đah ăp doanh nghiệp Italia đah ăp doanh nghiệp Trung Quốc. Lơn lah, tâm rơh hăn khâl aơ, Trung Quốc le\ an bơi 7 rmen đôlar gay jêng nu\ih rgop kan ndrel bah âk doanh nghiệp Italia./.

 

            N’gâng kan mât rnă njrăng ngih dak Hàn Quốc an g^t, rơh tâm mâp nar naơ 15/10 đah ăp nu^h kan tahen gâl têh Hàn Quốc n’hanh dak Triều Tiên ta ntu\k rlu tâm lơh Bàn Môn Điếm le\ mô dơi geh du nău tâm ton. Ntoh ngơi ta rơh r[u\n nchră nar naơ, 15/10, nu^h ntoh ngơi kruanh n’gâng kan mât rnă njrăng ngih dak Hàn Quốc Kim Min Seok an g^t, ta rơh tâm mâp 2 ding le\ tâm nchră meph ăp rơh tâm lơh ta dăch n’har bri mhe aơ, yơn mô dơi geh nău tâm rkeh. Aơ lah rơh tâm nchră tahen bôk năp đah bar mpeh Triều Tiên tâm rlău 3 năm ba năp. Triều Tiên le\ đă mpôl kan gâl têh tât ta Hàn Quốc bâh nar 4/10 mhe nơh n’hanh u\ch plơ\ tay rơh tâm nchră tahen, ơm le\ mô hôm geh [ư rnôk khay 2. nău kan aơ le\ [ư jêng nău m^n u\ch rklaih nău duh jêr đah 2 dak lôch geh ăp rơh tâm lơh ta nkaul n’har bri ta dak lêng n’hanh ta kơh lor.

 

Ôi n’aơ, 15/10, ta n’gor Narathiwas ta mpeh bah dâng dak Thái Lan le\ geh nău klu\p [on nchro\ng tâm du ntu\k đặc nhiệm bah tahen [ư 5 tahen sôt rmanh. T^ng nău uănh n’ôi bôk năp, ntu\k kan đặc nhiệm aơ geh 15 tahen hăn tâm 2 bôk ndeh ôtô uănh n’ôi le\ geh nu\ih lơh nklih rtoh du grăp [om ta p^t trong. Nu\ih klu\p [om dơi an lah ăp nu\ih Islam no\ng êng ta n’gor./.

 

 

            Tâm du nău nsrôih gay ma bah ir geh nău ntưp trêng bâh srê Êbola, nar 14/10, Anh ntơm do\ng ăp nău kan ua\nh nđôi kaman Êbôla đah ăp nu^h năch tât bâh ăp dak Tây Pho ta tach ndeh păr Heathrow-tach ndeh păr du\t têh n’hanh du\t ueh ta Luân Đôn. N’gâng kan dak si Anh an g^t, nău do\ng ntrong kan ua\nh nđôi srê Êbôla ta Heathrow mbra dơi kơl Anh geh saơ du đê| nu^h ntưp srê Êbôla ta pe khay atay yor  Anh lah du ntu\k tât âk đah năch pâl nđaih ta lam ntur neh.

 

Măng nar 14 n’hanh ôi nar 15/10, mih têh [ư dak lip tay ta nkual [on têh Sydney ta bang New South Wales bah dak Australia [ư 2 bôk ndeh treng le\ khan. Gay mkra kơl ăp nu\ih le\ khan tâm ndeh treng, Ntu\k kan kơl ndal bang New South Wales nchrăp so\k duk hăn tât ndeh treng, yơn yor dak lip dăng ir jêng nău nchrăp aơ mô dơi [ư, knu\ng hôm trong kơp dak rhoăt oi mơ trơn nu\ih năch ncho ndeh. Rlău ma ne\, du bôk ndeh treng ntơm hăn bah Sydney s^t Warata le\ khan tâm dak lip đo\ng./.

 

            Chính phủ Ukraine dôl tâm rdâng đah ăp nău ntul rlong têh rnôk nău tâm lơh le\ tre\ lam tât thủ đô Kíep, tâm rnôk nău ta mpeh luh nar hôm nha ê ho\ geh nău bah uh ah bôl ma nău đă rlu tâm lơh le\ geh. Mô dơn tâm rdâng đah nău duh jêr dôl tre\ lam, ta ntu\k ăp nu^h leo kan tơm n’gâng kan Ukraine le\ ntoh geh ăp nău tâm rkeh rnôk geh rơh săch rkuanh Quốc hội dôl dăch tât.

  Thị Đoắt-Y’Sưng răk rblang