Nkhêp geh nkah ndray 135 năm Nar deh Kruanh Hồ Chí Minh (19/5/1890 - 19/5/2025), lam dak hŏ ƀư âk nău kan ngăn ngăn. Măng 18/5, ta Quảng trường Ba Đình (Hà Nội), ƀư bôk nău kan njroh mprơ săk ntơr êng geh moh “Wa lah Hồ Chí Minh”, đah nău tât râng bah âk mpưm kruanh rđău kan Đảng, Ngih dak.

Măng njroh mprơ geh pe gâl: “Nguyễn Sinh Cung - Nguyễn Tất Thành” nkoch njăr trong hăn tât trong gŭ rêh; “Nguyễn Ái Quốc - Hồ Chí Minh” treh têl njăr trong hăn kơl neh dak, njêng Đảng; kêng dŭt mpư rnê nău dơi cách mạng n’hanh rơh rgâl mhe, lăp rgum. Ăp nău mprơ dơi rdâk têh kuâng, nkre đah nău njroh mprơ way ơm đah ndơ công nghệ pơk 3D aƀaơ, nsĭt tât ăp ntŭk rgum săk ntơr. Ma trong njroh mprơ n’hanh ăp nău nkoch rngot yô̆, măng njroh mprơ gay mpư rnê rup gui kruanh dŭt têh blău, nuĭh dăng janh rklaih luh rnoi nuĭh, danh nhân văn hóa lĕ nău gĭt blău; nkre ntĭm nti trong uĕh di cách mạng, nuih n’hâm uĕh lŏng, trong gŭ rêh Hồ Chí Minh tât ăp rơh kơn ƀon lan, lơn lah rơh druh ndăm.