Bộ trưởng Nội vụ Phạm Thị Thanh Trà an gĭt, nar 14/3, Bộ Chính trị hop tâm ban ŭch trong nchrăp dăp rgum, n’glăp tay nhih pah kan ăp gưl n’hanh rdâk njêng trong ntĭt leo n’gâng kan 2 gưl, tâm nê geh trong nchrăp n’glăp du đêt n’gor, ntlơi gưl nkuâl, n’glăp âk xã.

Lôch nê, Đảng ủy Chính phủ mbra njuăl đề án sŏk nău rgop bah  ăp n’gor n’hanh njuăl ăp bộ, n’gâng kan gay an nău rgop. Nchrăp nklăp tâm n’gul pơh khay 4/2025, Ban rđău đă mbơh Ban Chấp hành Trung ương. Nkoch tât nău dăp rgum tay nhih pah kan gưl xã, Bộ trưởng Nội vụ lah kloh, aƀaơ gưl xã geh 10.035 đơn vị, nchrăp mbra ƀư dăp rgum tay hôm nklăp 2.000 - "tâm ban kơt du nkuâl jê̆". Nău dja n’glĕ mpeh nău dơi bah Ủy ban Thường vụ Quốc hội, mbra ƀư lôch Tâm nchră Ban Chấp hành Trung ương dĭl. Lôch rnôk Hiến pháp rgâl n’hanh nkra, kơi ntop Luật Tổ chức chính quyền địa phương ndrel ăp luật geh tât, Bộ trưởng an gĭt mbra dŭt jêh nău kan bah n’gâng kan gưl nkuâl.