Nar ntri (23/4), Ban Thường vụ Tỉnh ủy Dak Nông hŏ rgum hop n’hanh uănh an dŏng trong nchrăp dăp rgum ăp nhih pah kan gưl xã. Ntơm bah 71 xã, phường, thị trấn, Dak Nông mbra dăp rgum tay hôm 28 xã, phường.

Trong nchrăp dja mbra dơi hao rblang dăn Hội đồng nhân dân n’gor Dak Nông, ta rơh hop ƀư tâm nar 25/4 tât. Bah năp nê, UBND n’gor Dak Nông hŏ phăt rlău 148.600 phiếu sŏk nău rgop tât nuĭh ntơh măt cử tri bah lĕ rngôch ăp rnăk ta n’gor. Kêng dŭt, geh 144.643 cử tri tâm bah ŭch đah trong nchrăp n’glăp, geh tât rlău 96%. Mpeh nhih pah kan gưl phường, nkual ƀon têh Gia Nghiã n’glăp jêng 3 phường kơt bah kơi aơ: njêng phường bah lơ Gia Nghĩa nsing ta nău n’glăp ăp phường Quảng Thành, Nghĩa Thành, Nghĩa Đức n’hanh xã Đắk Ha; Njêng phường bah dâng Gia Nghĩa nsing ta nău n’glăp ăp phường Nghĩa Phú, Nghĩa Tân n’hanh xã Đắk R’Moan; Njêng phường luh nar Gia Nghĩa nsing ta nău n’glăp phường Nghĩa Trung n’hanh xã Đắk Nia.