
Kêng măng 28/4, ta n’gor Hà Tĩnh, Kruanh dak Lương Cường hŏ vơt Tổng Bí thư, Kruanh dak Lào Thoong-lun Xi-xu-lít di rnôk păng tât Việt Nam râng lễ ntơm leo lăp dŏng ndrâm mrô 3-Ndrâm dak lêng Vũng Áng, ngoai tâm ăp ntŭk khlay nthoi nau văng sa 2 dak ndrel râng nkah 50 năm nar rklaih miền Nam, đăp mpăn neh dak. Tâm nar mâp, Kruanh dak rhơn ndrel rnê prêh ăp nau geh dơi bah neh dak Lào geh dơi tâm rơh rlau aơ ndrel ntoh nau rnơm đah nau rđau kan bah Đảng ƀon lan Cách mạng Lào, dâk bôk lah đồng chí Thoong-lun Xi-xu-lít.

Neh dak Lào mra dơi geh âk nau kan mhe, têh lơn tay, ƀư dơi nau ntrŭnh Đại hội XI, ƀư dơi Đại hội Đảng ƀon lan Cách mạng Lào tal XII. Mpeh nau dŏng ndrâm mrô 3- ndrâm dak lêng Vũng Áng, Kruanh dak Lương Cường rnơm lah, ndrâm mrô 3-ndrâm Vũng Áng mra tŏng nau dơi nchuăn rdeng ndơ bah bar dak, kơl an ueh nau rdeng leo ndơ ndrel tăch rgâl đah Lào ndrel tă bah nê rgop tâm nau hun hao ndrel tâm rnglăp văng sa bah ăp dak./.
Viết bình luận