Nar nđaơ (4/5), Thủ tướng Chính phủ Phạm Minh Chính ƀư tơm rơh rƀŭn Rnâng kan Chính phủ uănh mĭn tay, an rgop mpeh uănh lah nu nău wăng sa-rêh jêng khay 4 n’hanh 4 khay bôk năm aơ; nkre an rgop tâm du đêt nkô̆ nău êng gay nchrăp an rơh rƀŭn Chính phủ ăp rơh khay 4/2025 kơt du đêt nău ƀư, nău kan khlay êng tâm khay tât.

Ntoh ngơi ta rơh rƀŭn, Thủ tướng đă ăp n’gâng kan, nău kan, n’gor dŭt n’hâm rgum ƀư ăp nău kan, trong mkra ntrôl hao jêng tâm rnôk wăng sa lam ntŭr neh geh âk jêr jŏt, ntŭl rlong; đăp mpăn ƀư tĭng ăp nău rƀŏng hao jêng lĕ n’gluh an tĭng ăp nghị quyết, n’glôn jêh, ntĭm rđău bah Trung ương, N’gâng kan Chính trị, Quốc hội, Chính phủ; uănh khlay ƀư mhe ăp ndơ hao jêng way ơm n’hanh ntrôl ăp ndơ hao jêng mhe. Nkre, an nchrăp uĕh ăp nkô̆ nău rhŏ an rơh rƀŭn tal 9, Quốc hội khóa 15 đah rnoh ndơ dŭt têh ăp bôk nău rgop an tâm nchră, nău nchrăp ƀư luật, nghị quyết.