Kêng măng 28/5, ta Ntŭk môch tâp tahen khĭt ta Dak Lak, n’gor Dak Lak ƀư nau vơt ndrel leo vơt 23 nting tahen khĭt rnôk hăn kơl an ndrel pah kan bah dak Việt Nam khĭt tâm dak Campuchia. Trung tá Nguyễn Văn Từ, Kruanh Đội K51 n’gor Dak Lak mbơh, nau kan hăn joi, rgum nsĭt nting tahen tâm neh dak băl Campuchia mâp âk nau jêr, yor mông nar jŏ, yor trong hăn jêr ndrel nau mbơh nkoch mô âk.

Yơn lah, đah nuih n’hâm ƀư kan nâp ndrel nau nkah jru khlay đah ăp nŭih janh dăng lĕ khĭt, cán bộ, tahen Đội K51 hôm nsôih hăn joi, kuih nsĭt. Ntơm năm 2000 tât rnôk aơ, Đội K51 hŏ rgum geh 769 nting tahen khĭt ta Campuchia. Nau leo nsĭt ndrel tâp bôr mô êng ntoh nuih n’hâm jru ngăn bah Đảng bộ, n’gâng kan ndrel ƀon lan ăp rnoi n’gor Dak Lak, ma hôm lah nau ntoh ân nau kan “Ngêt dak nkah gĭt tu”, nthoi nau ueh ơm kơl an bah rnoi mpôl Việt Nam./.