Lŏ rơh rƀŭn tal 44, lơ 23/4, Uỷ ban Rnâng kan Quốc hội rgop nau mpeh du đê̆ nau ntrŭnh tâm rơh rƀŭn êp tât, tâm nê geh nau n’huch rnoh soay hao khlay ân 6 khay dŭt năm 2025 ndrel lôch năm 2026; nkre uănh ăp nau mbơh mpeh nau mêt uănh, tâm nchră mbơh ăp nau rgop nau đă, lah bah cử tri ndrel ƀon lan njoăl tât rơh rƀŭn tal 9, Quốc hội gưl XV. Ntơm năm 2022 tât lôch khay 6 năm aơ, Quốc hội hŏ đă n’huch 2% rnoh soay hao khlay đah âk ndoh ndơ, nau kan.

Gay ntrŭt dăng nau kan ê nkra, tăch rgâl, joi ntrong tăch rgâl, ƀư n’hao nau hun hao geh 8% hao gŏ lơ, Chính phủ lŏ mbơh nau ntrŭnh bah Quốc hội mpeh n’huch soay hao khlay ân 6 khay dŭt năm 2025 ndrel lôch năm 2026. Ngăn lah pơk hvi nŭih geh dŏng dơi n’huch 2% rnoh soay hao khlay đah ndoh ndơ, nau kan kơl an ân tuch tăm, tăch rgâl, pâl n’aih, dŏng ndơ./.