Dơn nău jă bah Tổng thống dak Cộng hòa Kazakhstan Kassym-Jormat Tokayev, nar ntri (5/5), Tổng Bí thư Tô Lâm n’hanh I ur ndrel Mpôl ntơh măt gưl têh dak he tă bah tach ndeh păr hăn dak bah dih Nội Bài hăn khâl gưl ngih dak tât Cộng hòa Kazakhstan. Hăn khâl mô hŏ tă geh tât Kazakhstan bah Tổng Bí thư Tô Lâm dơi mpŏng mbra n’hao tâm boh bar ding hao du kơn prêh mhe đah âk siƀŭt tâm ton tâm boh khlay ta âk trong kan mbra dơi ký ton.

Nchrăp tâm rnôk hăn khâl mô hŏ tă geh dja bah Tổng Bí thư Tô Lâm, bar dak mbra geh nău mbơh mpeh tâm trôm tâm boh ta du kơn prêh mhe, tâm di đah nău ŭch rŏng n’hanh nău geh di bah ƀon lan bar dak. Tĭng bôk nău kan lôch dŭt jêh ăp nău kan ta Kazakhstan, Tổng Bí thư Tô Lâm ndrel I ur n’hanh Mpôl ntơh măt gưl têh dak he mbra khâl gưl ngih dak tât Cộng hòa Azerbaijan, khâl ngăn Liên bang Nga n’hanh râng Lễ nkah ndray 80 năm Nar lơh dơi tâm rơh mât njrăng neh dak têh kuâng n’hanh khâl gưl Ngih dak tât Cộng hòa Belarus tât nar 12/5/2025.