Mih têh bâh măng 8/9 ƀư du đê̆ ntŭk ta n'gor Dak Lak geh dak băm ta ntŭk, ƀư khuch trong hăn. Uỷ ban nhân dân n'gor Dak Lak đă ăp ntŭk mbơh ƀư trong kan rdâng đah mih têh ăp nar tât. N'gâng kan tuch tăm n'hanh ntŭk gŭ rêh n'gor Dak Lak an gĭt tât 4 mông kêng măng nar 9/9, mih têh mô hŏ ƀư khuch tât nuĭh, ngih jay n'hanh nău pah kan jan sa. Yơn lah, du đê̆ trong hăn geh dak băm ta ntŭk. Ta xã Ia Lốp, ntung mbrô 9 dôl geh dak băm klâp ma 50cm, rnoh dak hôm nha hao, ƀư trong hăn geh pă êng. N'gâng kan ta ntŭk lĕ rgŏ jă mpôl hăn kâp njrăng, nkah njrăng nău klach, mô an nuĭh ƀon lan hăn nsong. Du đê̆ ntŭk bah xă Ea Drông, xă Ea Kar, xă Cuôr Đăng, n'gor Dak Lak kơp dơn geh dak băm ta ntŭk đŏng. Rlău 300 kon hŏk ta 2 ntŭk ngih sam ƀŭt xă Cuôr Đăng dơi an rlu nti yor ntung trong geh dak băm. Ta năp nău tât mih hôm e jêr jŏt, n'gor Dak Lak lŏ đă ăp ntŭk mât uănh na nê̆, way uănh nđôi nău mbơh, nkah njrăng trôk nar, nchrăp uănh nđôi ăp ntŭk geh ma nău dak băm, pĭch rlâm n'hanh ăp ntŭk trong hăn khuch. Ăp ntŭk lor nchrăp ntrơn nuĭh ƀon lan ta ăp nkual geh ma nău pĭch rlâm âk tât ntŭk đăp mpăn.