Kêng măng 21/7, UBND n’gor Dak Lak ƀư Lễ mbơh nău n’glêh an wơt dơn n’hanh ntăm n’hao wa Hồ Duy Thành ƀư Chánh Thanh tra n’gor. Lah ta rơh lễ, Kruanh UBND n’gor Tạ Anh Tuấn lah rjăp nău khlay n’gâng tơm bah n’gâng kan thanh tra tâm rdâk njêng n’gâng kan kloh rsang, geh nău tam, nău dơi.

Păng nsing nơm Chánh Thanh tra mhe mbra ntik n’hao nuih n’hâm dơn kan, n’hao nău dơi tam pah kan njrăng, n’gang sa khâm, mpŭng lir, nkra nău lah phong. Kruanh n’gor jao nău kan an n’gâng kan thanh tra ndăn ngăch ra uănh tay siƀŭt pháp luật, rdâk nâp tay tâm rnglăp ndrăng nơm, n’hao nău way kan, nuih n’hâm uĕh lŏng cán bộ. wa Hồ Duy Thành geh trình độ Cử nhân Kinh tế, Cử nhân Luật, Thạc sĩ Lý luận n’hanh Lịch sử Ngih dak n’hanh Pháp luật, Cao cấp Lý luận chính trị. Lor rnôk dơn nău kan mhe, wa Hồ Duy Thành lah Bí thư Huyện ủy, Kruanh HĐND nkuâl M’Đrắk n’hanh Groi Chủ nhiệm Rnâng kan Ủy ban Kiểm tra Tỉnh ủy Dak Lak.