Râng nău ƀư geh nklăp 100 đại biểu ntơh măt ăp N'gâng kan, nău kan Trung ương ndrel mpôl doanh nghiệp ta n'gor Dak Lak. Đah rnoh âk cà phê rlău 560 rbăn tấn, tiêu 84 rbăn tấn, sầu riêng 400 rbăn tấn n'hanh tui ka nklăp 51 rbăn tấn ăp năm, n'gor Dak Lak geh tơm ndơ âk, tŏng đah nău ŭch nkret njêng, tăch n'hanh tăch n'gluh. Yơn lah, nau kan tăch luh ăp ntil ndơ tuch tăm, tui ka tơm bah nkuăl hôm rgum ngăn tâm ăp ntŭk tăch kơt Trung Quốc, Mỹ, Nhật Bản, Hàn Quốc ndrel EU… Tâm rnôk nê, ntŭk tăch ăp dak Hồi giáo, geh nkuăl Ả Rập, Malaysia, Indonesia… geh ê tât 9% ndoh ndơ tăch luh bah Dak Lak. Ngoai tâm ăp nkô̆ nau lah yor ntŭk kan tăch rgâl Việt Nam hôm mô tŏng nau gĭt mpeh nau ŭch bah ntŭk tăch Halal, ăp nau ntrŭnh ndrel nau kơp Halal gay tŏng dơi nau ŭch tăch luh.