Ta rơh rƀŭn nchră BCH Đảng bộ n’gor Đăk Lăk lơ 24/4, ăp đại biểu lĕ an tâm rgop mpeh nău pă dăp, nglăp nsum ntŭk kan hành chính n’hanh du đê̆ nkô̆ nău khlăy êng. Tĭng bôk nău kan, Đăk Lăk mbra geh n’huch bâh 180 jur hôm 68 ntŭk kan hành chính gâl xã, geh 62,22% tĭng nău đă Nghị quyết 60-NQ/TW. Êng nkuăl ƀon têh Buôn Ma Thuột mbra pă dăp hôm nha geh 5 phường n’hanh 1 xã. Rơh rƀŭn nchră  lĕ dơn ngoăy nău kan dơn ngoăy n’gor Đăk Lăk n’hanh Phú  Yên, njêng n’gor mhe bâh trung ương mât uănh, đah ntŭk hành chính tơm ta Đăk Lăk. Lôch nglăp nsum, ntŭk kan hành chính mhe geh rlău 18 rbăn km  vuông, rnoh neh rlău 3,3 rkeh nuĭh đah 102 ntŭk kan gâl xã. Nglôch lôch rơh rƀŭn nchră, Bí thư n’gor Ủy Nguyễn Đình Trung đă ăp ntŭk kan, n’gâng kan bâh Đăk Lăk an tâm rgop na nê̆ đah Phú Yên gay ma mbơh tơih săk rnglăy nău kan, ngăn lah nău pă dăp ntŭk kan, ndơ dŏng ndeh klư n’hanh ntŭk gŭ an cán bộ Phú Yên ntrơn ntŭk pah kan sĭt ta Đăk Lăk.