Ôi 14/10, ta rơh hop tâl 22 (way nkô̆), HĐND n’gor Gia Lai khóa XII (năm kan 2021-2026) hŏ an rlu 2 hê nuĭh kan UBND n’gor n’hanh kơi ntop sơch kruanh ban Dân tộc HĐND n’gor. Ta rơh hop, HĐND n’gor Gia Lai khóa XII (năm kan 2021-2026) geh siƀŭt rblang dăn wa Đinh Ly An- Groi Kruanh ban Pháp chế HĐND n’gor khóa XII gay ntơh măt HĐND n’gor ƀư Kruanh ban Dân tộc HĐND khóa XII (năm kan 2021-2026).

Kêng dŭt, wa Đinh Ly An geh 62/62 đại biểu HĐND sơch, geh rnoh tât 100% phiếu sơch. Ta rơh hop dja đŏng, HĐND n’gor hŏ an rlu nău kan Ủy viên UBND n’gor khóa XII (năm kan 2021-2026) đah wa Nguyễn Văn Lộc- Chánh văn phòng ơm UBND n’gor n’hanh wa Nguyễn Ngọc Hùng- Giám đốc ơm Sở Thông tin-Truyền thông Gia Lai. Bah năp nê, 2 hê wa Nguyễn Văn Lộc n’hanh wa Nguyễn Ngọc Hùng hŏ geh siƀŭt n’glêh an rlu ranh di nău way.