Ta nău ntoh n’gôr vơt năm mhe 2025 n’hanh mpŏng tât kahgĭt 95 năm nar njêng Đảng Cộng sản Việt Nam, lơ 29/12, Tổng Bí thư Tô Lâm ndrel đah mpôl pah kan trung ương lĕ tât an kao si, mpoh su nhang kahgĭt tât kruanh Hồ Chí Minh ta Đền Chung Sơn - Đền mbah rhơn yau ye Wa Hồ ta nkual Di tích ngih dak dŭt khlăy Kim Liên, nkuăl Nam Đàn, n’gor Nghệ An. Tổng Bí thư Tô Lâm mpơl nău lah ueh dŭt n’hâm n’hanh tâm ryơk đah Kruanh Hồ Chí Minh, nuĭh leo kan têh bâh Đảng n’hanh ƀon lan he, têh dăng rklaih đăp mpăn mpôl rnoi. Nuĭh lĕ ntoh nău kan, lĕ nuih n’hâm lĕ nău rêh an nău kan rklaih đăp mpăn mpôl rnoi, nsrôih an nău đăp mpăn, hơm răm bâh mpôl rnoi Việt Nam n’hanh ƀon lan lam ntur neh. Lôch nĕ, Tổng Bí thư Tô Lâm lĕ tât ta đền mbah ryơk yău ye Kruanh Hồ Chí Minh,ryơk an kao si, su nhang, kahgĭt mpơl nău lah ueh dŭt n’hâm đah Kruanh Hồ Chí Minh n’hanh ăp nuĭh dăch bên ndul mpôl ta rnăk vâl Wa.