Ôi 29/12, Thủ tướng Phạm Minh Chính lĕ ƀư tơm rơh rƀŭn Ban Ntĭm rđău bah Chính phủ mpeh “n’glôch jêh nău ƀư tĭng Nghị quyết mrô 18-NQ/TW”.

Tĭng nău mbơh, trong kan dăp rmôt kan ƀĭt joet bah trong chính trị dơi ăp n’gâng kan, ngih pah kan tâm ban bộ, ngih pah kan mpeh tâm Chính phủ mbơh ƀư ndăn, tât aƀaơ ntơm jêh bôk nău rgop an tâm nchră. Nchrăp n’gâng kan ƀĭt joet bah Chsinh phủ mbra dơi dơh jêt bah 30 jŭr hôm 21 n’gâng tơm geh: 13 bộ, 4 ngih pah kan tâm ban bộ n’hanh 4 ngih pah kan mpeh tâm Chính phủ. Ta rơh rƀŭn, Ban ntĭm rđău rgum kơp uănh tay ăp nău kan, tâm nĕ rgum tâm nchră mpeh nău lôch jêh nău kan bah Ban cán sự đảng Chính phủ n’hanh ndâk njêng Đảng bộ Chính phủ mpeh tâm Trung ương.

N’glôn jêh rơh rƀŭn, Thủ tướng Chínnh phủ Phạm Minh Chính đă kơp uănh tay, nkra di, ntop tay tĭng nu nău, nkô̆ nău dăp n’gâng tơm an đăp mpăn dơh jêt, têh dăng, nău kan tam, săk rnglăy; hăn ndrel đah n’hŭch, n’hao uĕh rmôt công chức, viên chức. Lơn lah, nău dăp rmôt n’gâng tơm ƀĭt joet an n’hŭch nău ƀư ta n’gul, n’hŭch bôk tu tơm, yơn mô an nkĭng nkăng, ntlơi chuêl gưl, nău kan, nău dơi mkra.