Nkhêp nkah ndray 80 năm nar Njêng tahen ƀon lan Việt Nam n’hanh 35 năm nar Rgum lam ƀon lan njrăng n’gang neh dak, ta Jay Quốc hội, Kruanh Quốc hội Trần Thanh Mẫn hŏ mâp măt Mpôl ntơh măt nuĭh geh n’hâm suan Trung đoàn 271, Quân khu Trị Thiên.

Ntơh măt kruanh rđău kan Đảng, Ngih dak n’hanh Ủy ban Thường vụ Quốc hội, Kruanh Quốc hội Trần Thanh Mẫn mpơl nuih n’hâm nkah gĭt đah tahen ơm, ăp nuĭh geh n’hâm suan n’hanh lah rjăp, Trung đoàn 271, Quân khu Trị Thiên rgop hĭng ntơr n’gloh ang, han dăng bah tahen he, rnoi nuĭh he, neh dak he. Tâm let năp tay, Kruanh Quốc hội Trần Thanh Mẫn ŭch rŏng, tahen ơm, ăp nuĭh geh n’hâm suan Trung đoàn 271 Quân khu Trị Thiên nthoi tay nău way ơm tâm n’gâng kan rlăch ndăng, rklaih luh rnoi nuĭh  tâm rơh rdâk njêng neh dak aƀaơ; nkre ntĭm nti nău way ơm tahen wa Hồ đah nuih n’hâm uĕh lŏng têh khlay “Du nuih n’hâm đah neh dak, jăt tĭng Đảng, nkah gĭt đah ƀon lan”, ntĭm nti an rơh mom ndăm mpeh nău dăng janh, mô kă rnam jêr jŏt, tĭng nău way ơm bah Trung đoàn 271 Quân khu Trị Thiên lah êng n’hanh tahen wa Hồ lah nsum.