Ƀư tĭng nau rđau bah Thủ tướng Chính phủ, nau kan joi, kơl rklaih nau khuch rnôk pah kan geh nau tât tâm ntŭk nkra thuỷ điện Đăk Mi 1, xã Đăk Chong, nkual Đăk Glei, n’gor Kon Tum dôl geh ƀư ndal. Tâm ntŭk geh nau tât aơ hŏ ƀư 3 nŭih pah kan khĭt ndrel 2 nŭih ê saơ joi, nau hăn joi dôl ma ƀư. Kêng măng 31/12, rmôt hăn nhâp dak bah Công an n’gor Kon Tum mhe saơ săk bah 2 công nhân tâm nâm ntu dak jru êp jâng dak bât. Bol ma njăch ndăn, yơn nau hăn joi nsrŭng yor bri măng ndrel n’ik.

Wa Lê Như Nhất, Giám đốc N’gâng kan công thương n’gor Kon Tum mbơh, ndrel ma nau hăn joi 2 nŭih hôm roh, UBND n’gor kŏ rđau ntŭk kan geh tât rklaih nau khuch ndrel năl nkô̆ ƀư rmanh. Nkuăl uỷ Đăk Glei, mbơh, ndrel ma nau ji 2 nŭih hôm roh, đăp mpăn tâm ntŭk, n’gâng kan ndrel tơm ntuh kơl thuỷ điện Đăk Mi 1 lah công ty cổ phần Quang Đức Kon Tum dôl ôp khâl, bonh đă ăp rnăk nŭih mâp khuch./.