Lơ 27/12, N’gor ủy Lâm Đồng ƀư Rƀŭn nchră N’glôch jêh ƀư tĭng Nghị quyết 18 bah Trung ương Đảng khoa 12. Rlău 6.000 biên chế bah trong chính trị lĕ dơi n’hŭch. Ƀư tĭng Nghị quyết mrô 18, mpeh rmôt Đảng, n’gor Lâm Đồng lĕ n’hŭch 54 bôk trong n’hanh n’hŭch 145 kruanh gưl nkuăl, gưl jrô kan. Rmôt Ngih dak n’hŭch 113 jrô kan way kan, chi cục n’hanh tâm ban gưl n’gor, n’hŭch 11 ngih pah kan way kan gưl nkuăl n’hanh 115 ntŭk kan nău kan ndâk njêng êng.

Lam n’gor lĕ n’hŭch geh rlău 6.000 biên chế. Rƀŭn nchră lĕ an âk mông nar tâm nchră, nkoch trong ƀư n’hanh rkum n’gâng kan ƀon lan. Ntoh ngơi n’glôn jêh rƀŭn nchră, wa Nguyễn Thái Học, Quyền Bí thư N’gor ủy Lâm Đồng mĭn lah, năm tât, n’gor mât uănh nău rƀŏng gay mbơh ƀư nău mât uănh tay, ndâk ƀư dăp m’hâm ƀư n’gâng kan ƀĭt joet bah n’gor dơi dơh jêt, ƀĭt joet ngăch tam, săk rnglăy.