Tâm rnôk hăn khâl ndrel pah kan ta n’gor Hà Tĩnh, kêng măng 27/12, Kruanh Quốc hội Trần Thanh Mẫn hŏ pah kan đah Rnâng kan n’gor uỷ Hà Tĩnh mpeh nau tă geh dơi ƀư nau ntrŭnh Đại hội Đảng lam dak tal XIII, Nau ntrŭnh Đại hội Đảng bộ n’gor tal XIX, năm kan 2020-2025 ndrel ntrŭnh ƀư nau ntrŭnh bah Uỷ ban Rnâng kan Quốc hội mpeh nau rgum ntŭk kan hành chính gưl nkuăl, gưl xã bah n’gor lvang năm 2023-2025. Jêh djăt rđau kan n’gor Hà Tĩnh mbơh, ăp nŭih kan bah rmôt hăn kan ntoh nau ueh đah hun hao tâm nkuăl (GRDP) bah Hà Tĩnh geh 7,48%m nau geh tâm dak 9.600 rmen tâm rnoh prăk soay lôch năm bơi tât 18 rbăn rmen. Hà Tĩnh lah trong ang leo lor lam dak tâm nau ndâk njêng ƀon lan mhe.

Ăp nŭih kan bah rmôt kan kŏ ŭch Hà Tĩnh ân lŏ ƀư kloh aih, rklaih nkol gay hun hao lơn, nsôih hun hao geh rnoh bar mrô. Kruanh Quốc hội Trần Thanh Mẫn ân lah, đah nau geh, nau dơi bah Hà Tĩnh lah geh rklaih mra hun hao tay, mô nsrŭng tâm nau geh kơt rnôk aơ. Tâm rnôk năm mhe Ất Tỵ, tâm kêng măng 27/12, ta nkuăl Thạch Hà, n’gor Hà Tĩnh, Kruanh Quốc hội Trần Thanh Mẫn hăn khâl, pă nklâm ndơ ân ăp rnăk dơi kơl, rnăk mâp nau jêr tâm ăp nkuăl Hương Sơn, Thạch Hà ndrel nkuăl ƀon têh Hà Tĩnh./.