Lơ 26/12, n’gor Ủy Gia Lai ƀư rơh rƀŭn nchră nglôch lôch 7 năm ƀư tĭng Nghị quyết mbrô 18 bâh BCH Trung ương Đảng khóa 12 mpeh pă dăp leo ƀư nău kan trong kan chính trị ueh dơh, săk rnglăy. Tĭng trong kan tât tay, Gia Lai mbra ƀư ueh dơh tay nău kan hành chính, nchrăp hŭch 7 n’gâng kan, 31 phòng ban. N’gor Gia Lai nchrăp nglăp ntŭk kan, n’gâng kan geh: Ban Tuyên giáo n’hanh Ban Dân vận n’gor ủy, sở kế hoạch n’hanh Đầu tư đah Sở Tài chính, Sở Nông nghiệp n’hanh hun hao ƀon lan đah Sở Tài Nguyên n’hanh Môi Trường, sở xây dựng đah Sở giao thông vận tải, Sở khoa học n’hanh Công nghệ đah Sở thông tin n’hanh truyền thông, Sở Nội vụ đah Sở lao động -thương binh n’hanh xã hội. Ta meng nĕ,. Sởt y tế mbra dơn tay nău kan mât ueh săk soan cán bộ bâh rnâng kan mât uănh n’hanh mât kơl săk soan an cán bộ n’gor. Sở Giáo dục n’hanh Đào tạo geh dơn nău dơi mât uănh ntĭm nti nău kan bâh Sở Lao động-thương binh xã hội. Nkre lah, n’gor mbra geh njêng Ban dân tộc- Tôn giáo bâh nău nglăp nsum Ban Dân tộc n’hanh Ban Tôn Giáo.