Bôk nău kan ntơm pơk geh bôk nău “Việt Nam- đăp mpăn- tâm kơl-hun hao” đah 2.400 cán bộ, tahen bâh Tahen ƀon lan Việt Nam tât bâh ăp mpôl tahen đặc công, n’har bri n’hanh quân nhạc njroh mprơ. Ntoh ngơi ta rơh lễ, Thủ tướng Phạm Minh Chính lah na nê̆, pla n’hơ mât rnă njrăng ngih dak lam ntur neh Việt Nam 2024 geh nău dŭt khlăy ngăn, geh ƀư di ta rơh kahgĭt 80 năm nar njêng Tahen ƀon lan Việt Nam n’hanh 35 năm nar mât rnă njrăng lĕ ƀon lan. Aơ lah nău kan lam ntur neh ntoh lư đah nău mbơh “Đăp mpăn- tâm kơl-hun hao”, ntop ntrôl nău nchră nău đah dak bah dih n’hanh tâm kơl mât rnă njrăng ngih dak ta lam ntur neh. Việt Nam mpŏng ŭch trong kan jŏ jong hun hao n’gâng kan công nghiệp mât rnă njrăng ngih dak tơm, leo kan êng, hun hao, ueh mhe n’hanh lăp kan ndrel đah lam ntur neh, nkre n’hao nău dơi geh mât rnă njrăng ngih dak, nkre hun hao wăng sa, kơl an nău geh tơm jŏ jong bâh neh dak n’hanh an nău rêh ngăn ngên bâh nuĭh ƀon lan.