Kêng măng nar naơ 22/12, tâm bôk nău pah kan ta Lào Cai, Thủ tướng Phạm Minh Chính n’hanh mpôl pah kan đah Ban thường vụ n’gor Ủy Lào Cai, rnê nău geh, nău mbơh tơih pah kan hun hao wăng sa- rêh jêng năm 2024 n’hanh trong kan , nău kan tâm let năp tay. Ntoh ngơi nglôch lôch rơh pah kan, Thủ tướng Phạm Minh Chính lĕ tâm ban đah ăp đại biểu mpeh ăp nău dơi geh, nău nkhêp n’hanh ăp nău dơi ƀư, nău dơi geh bâh Lào Cai tâm năm 2024. Mpeh nău mĭn, trong rƀŏng kan let năp tay, Thủ tướng đă an geh mât uănh tay, rdâk njêng nău nchrăp, bôk nău pah kan na nê̆, mbơh tơih ƀư tĭng tŏng ăp, săk rnglăy Nghị quyết Đại hội 13 bâh Đảng, ăp Nghị quyết, nglôch lôch, ntĭm đă bâh Trung ương, n’gâng kan chính trị, Ban Bí thư, Quốc hội, chính phủ, tâm nĕ geh Nghị quyết mbrô 11 bâh n’gâng kan Chính trị mpeh trong kan hun hao wăng sa rêh jêng n’hanh mât đăp mpăn rnă njrăng ngih dak, rnă njrăng đăp mpăn nkual trung du n’hanh gôl yôk mpeh Bắc bộ n’hanh Nghị quyết Đại hội Đảng bộ n’gor, rgŏ jă dŏng ƀư tĭng di nău ntrŭnh, trong kan bâh Đảng, nău kơl, pháp luật bâh ngih dak n’hanh nău ntĭm đă, leo kan bâh Chính phủ, Thủ tướng Chính phủ.