Kêng măng 23/12, Groi Thủ tướng Bùi Thanh Sơn râng ndrel rđau rơh rƀŭn lôch nau kan năm 2024 ndrel ntrŭnh ƀư nau kan năm 2025 bah ntŭk kan công thương. Groi Thủ tướng Chính phủ Bùi Thanh Sơn kơp dơn ndrel rnê prêh 7 nau kan tă geh bah ntŭk kan Công thương, rgop nau khlay tâm nau geh dơi nsum bah lam dak geh ndrel rlet nau nchrăp bah 15 nkô̆ nau, tâm nê, nau hun hao GDP lôch năm 2024 geh rlau 7%. Nau geh nkoch ngăn nê lah công nghiệp hun hao prêh ndrel tâm ăp nkuăl; nau tăch luh lŏ geh rnoh 800 rmen đôla, nchrăp geh rnoh tăch luh geh 403 rmen đôla.

Nau ntoh ngăn lah prăk tăch luh hao âk, đah nau ndâk tay bah ăp rmôt ndoh ndơ tăch luh tơm, rnôk hao 13,6% rđil năm 2023. Tât năm 2025, tĭng Groi Thủ tướng Bùi Thanh Sơn, nau kan bôk năp ân njêng geh ntŭk kan pháp lý nơih, kloh ndrel n’hong dơi nau nkol mpeh ntrong ƀư hành chính ân hun hao công nghiệp ndrel ntrŭt dăng nau kan tăch rgâl ndoh ndơ./.