Di rnôk Noel năm 2024, lơ 23/12, rđau kan n’gor uỷ, UBND n’gor Dak Lak hŏ tât khâl, rhơn ăp ntŭk chroh rƀŭn tâm nkuăl, njoăl nau ôp khâl ueh lăng, đăp mpăn tât kônh wa chroh công giáo ndrel Tin lành. Rmôt kan tât khâl ndrel rhơn ăp linh mục, tu sĩ ndrel ăp kônh wa chroh rƀŭn tâm Nhà thờ Chính toà Buôn Ma Thuột, Ntoh măt Tin lành n’gor, Tu viện nữ vương Hoà Bình, Toà Giám mục Ban Mê Thuột, uỷ ban tâm rnglăp Công giáo n’gor, Chi hội Tin lành Alê A.

Ntoh nau rđau kan n’gor uỷ Dak Lak, wa Trương Công Thái, Groi Kruanh UBND n’gor njoăl nau rhơn noel ueh lăng, đăp mpăn tât nsum mpôl kônh wa tĭng chroh công giáo, kơp dơn ăp nau rgop bah ăp nŭih tâm nau hun hao nsum bah n’gor. Nkre lah, n’gor mro uănh khlay nau ndâk tâm boh ueh đah ăp mpôl chroh êng ndrel nsum mpôl ƀon lan, njêng du ntŭk rêh ueh, đăp mpăn, tâm rnglăp./.