Kêng măng 24/12, Thủ tướng Phạm Minh Chính pah kan đah Đại sứ n’hanh cán bộ, nuĭh kan Đại sứ quán ăp dak Ả rấp Xê út, Ăp Tiểu vương quốc Arab Thống Nhất (UAE), Qatar ta Hà Nội gay ntrôl rgop ƀư tâm ton gưl prêh Việt Nam đah 3 dak.

An gĭt Việt Nam nchrăp ƀư ntung nthoi, ntop kơl ntrôl kan ndrel bah Qatar, UAE, Ả rập Xê út đah ASEAN n’hanh ăp dak Đông Nam Á, Thủ tướng đă ăp dak ntrôl kan ndrel bah Việt Nam n’hanh Hội đồng kan ndrel nkual njônh (GCC); nsing nơm Đại sứ n’hanh ăp Đại sứ quán ăp dak mât uĕh nău ƀư tơm boăt nthoi, nsrôih rgop lơn tay an nău nâp nâl n’hanh ntrôl lơn tay tâm boh dăch dêh, kan ndrel đah Việt Nam n’hanh Ả rập Xê út, UAE, Qatar dŭt n’hâm khlay kan ndrel đah Việt Nam, nkre pơk hvi, ƀư ntung nthoi kan ndrel đah ASEAN n’hanh GCC. An lah, aƀaơ nău ƀư kan ndrel đah Việt Nam n’hanh ăp dak dôl ƀư dŭt n’hâm uĕh, ăp đại sứ nsing nơm năm tât, tâm boh Việt Nam n’hanh 3 dak mbra dơi ntrôl dăng, ngăn ngên lơn, ơm dơi geh lĕ rngôch ăp nău rƀŏng ma 2 ding lĕ n’gluh an kơt nău rgop bah thủ tướng.