Ôi 24/12, N’gor ủy Dak Lak ƀư Rƀŭn nchră n’glôch jêh trong kan nội chính, njrăng n’gang sa khâm, mpŭng lir n’hanh nkra rgâl tư pháp, năm 2024, nu nău rnă njrăng, chính trị, đăp mpăn nău rêh jêng ta Dak Lak dơi nâp nâl, yơn lah hôm e geh âk nkô̆ nău roh đăp mpăn. Mpeh rnă njrăng chính trị tâm n’gor, geh 81 cán bộ, đảng viên tih nău ntrŭnh pháp luật. Nu nău sam ƀŭt phong hôm e jêr jŏt. Mpeh đăp mpăn nău rêh jêng, tâm năm lĕ geh rlău 1.130 nău, ƀư 21 nuĭh khĭt.

Săk rnglăy trong kan njrăng n’gang sa khâm sa ƀer, năm 2024 Dak Lak lĕ ƀư uănh nđôi nău ƀư tĭng ăp nău ntrŭnh mpeh kloh rah wah ta 30 ntŭk kan. Ntoh ngơi ntĭm rđău rƀŭn nchră, wa Nguyễn Đình Trung, Bí thư N’gor ủy Dak Lak đă ăp gưl, ăp nău kan mât nâp rnă njrăng chính trị, đăp mpăn nău rêh jêng, mkra ngăch ăp nău mhe ntoh gay đăp mpăn hun hao wăng sa rêh jêng., Rgum tâm ôp tâm nchră Ban Thường vụ N’gor ủy, Rnâng kan n’gor ủy ntĭm rđău mkra săk rnglăy nău neh ntu, nău rnoi nuĭh, chroh rƀŭn mô an ăp nuĭh rlăng, dun rlơn mplư rlăm gay dun phah.