Ôi ntri (25/12), ta Nhih pah kan Chính phủ, Groi Thủ tướng Lê Thành Long hŏ wơt Đại sứ đặc mệnh toàn quyền dak Cộng hòa nhân dân Trung Hoa ta Việt Nam Hà Vĩ. Groi Thủ tướng Chính phủ Lê Thành Long lah rjăp Đảng, Chính phủ Việt Nam way uănh khlay nău rdâk nâp n’hanh hun hao tâm boh tâm kâng n’har tâm rnglăp, tâm boh têh jong lam lĕ rngôch Việt Nam - Trung Quốc, aơ lah nău ân geh tâm di, trong sơch têh jong n’hanh an ƀư lor bôk năp tâm trong kan tâm boh dak bah dih êng nơm, mât njrăng êng, âk ding, âk ntil bah Việt Nam.

Gay rdâk nâp n’hanh ntik n’hao trong rƀŏng hun hao uĕh lăng bah tâm boh bar Đảng, bar dak let năp tay, lơn lah tâm năm 2025  nkah ndray 75 năm njêng tâm boh bar dak, Groi Thủ tướng Lê Thành Long dăn đă Đại sứ Hà Vĩ n’hanh Đại sứ quán Trung Quốc ta Việt Nam ntrŭt ntrôl ăp nhih pah kan dơi kan Trung Quốc kan nsum lhăt đah ăp n’gâng kan, ăp n’gor Việt Nam an tĭng ƀư geh nău dơi tâm ton n’hanh nău gĭt êng nsum gưl têh, mât mbro n’hanh ntik n’hao nău way ơm uĕh  lăng tâm mâp, tâm ôp mbro đah Kruanh rđău kan gưl têh n’hanh ăp gưl bah bar Đảng, bar dak.