Ntoh ngơi ta rơh rƀŭn nchră, Tổng Bí thư lah na nê̆, aƀaơ lam dak dôl rgâl mhe têh dăng, nău mĭn Đảng ndrel đah nuih n’hâm ƀon lan tâm nău ŭch lăp ta rơh năm mhe, nău ŭch hun hao têh dăng bâh mpôl rnoi, nsrôih ƀư lôch 2 nkô̆ mpŏng kan 100 năm (100 năm neh dak đah nău leo kan bâh Đảng n’hanh 100 năm njêng neh dak). Ngăn lah, năm 2025 lah năm geh nău kan dŭt khlăy gay ma njêng nău kan an rach năm mhe, đah 3 nău kan têh an geh ƀư lôch lah: Nglôch lôch Nghị quyết mbrô 18 n’hanh rgâl mhe, pă dăp leo ƀư nău kan trong kan chính trị. Hun hao, geh nău kan mhe gay ma ƀư tĭng ăp nkô̆ mpŏng, nău kan bâh năm Đại hội 13 n’hanh geh ƀư đại hội đảng ăp gâl n’hanh nchrăp ueh ăp nău dơh nơih gay ma leo ƀư geh nău dơi Đại hội 14 bâh Đảng. Yor nĕ, ăp nuĭh cán bộ tâm Văn phòng trung ương Đảng an geh mĭn rvê mpeh nău dơn kan bâh nơm gay ma tâm rgop ta ăp nău kan têh bâh neh dak.