Ta Tòa giám mục Kon Tum, ndơn kan an n’gor Ủy, HĐND, UBND, UBMTTQ Việt Nam n’gor Kon Tum, wa Dương Văn Trang- Bí thư n’gor Ủy Kon Tum rhơn lĕ rngôch ăp giám mục, linh mục n’hanh ƀon lan chroh Bap du yan Noel ueh răm, đăp mpăn. Bí thư n’gor Ủy Kon Tum kơp dơn nău tât râng kan ueh âk bâh ăp nuĭh kon chroh n’hanh ƀon lan phung chroh tâm ăp nău kan tâm rlong rŏng dak, ntop ndrel đah Đảng bộ, n’gâng kan ta ntŭk rdâk njêng n’gor Kon Tum ăp nar lơ ma hun hao. Wa Dương Văn Trang lĕ tâm mbơh đah ăp nuĭh tơm leo chroh mpeh nău ntrŭnh kan bâh n’gor bâh aƀaơ tât năm 2025 kơl an ăp rnăk ach o jut jăng bơi tât 1.600 ngih truh sat gay ma ƀon lan geh ntŭk gŭ ueh lơn. Wa mpơl nău ŭch tâm let năp tay, đah nău leo kan ntĭm đă bâh ăp nơm nti ƀon lan kon chroh Giáo phận Kon Tum geh n’hao tay nău dơi geh, rêh ueh chroh ueh, tâm rnglăp nsum ti rdâk njêng ƀon tơm Kon Tum ăp nar lơ ma têh ndrŏng.