Ôi aơ, 20/12 ta ntŭk rƀŭn nchră Ngih dak ta Thủ đô Hà Nội, Ban chấp hành Trung ương Đảng Cộng sản Việt Nam, Quốc hội, Kruanh dak Cộng hòa xã hội chủ nghĩa Việt Nam, Ủy ban Trung ương Mặt trận Tổ quốc Việt Nam n’hanh Quân Ủy Trung ương, n’gâng kan mât rnă njrăng ngih dak ƀư rơh kahgĭt 80 năm nar njêng Tahen ƀon lan Việt Nam, 35 năm nar tâm mâp mât rnă njrăng ngih dak lĕ ƀon lan. Tât râng rơh kahgĭt geh ăp nuĭh leo kan, tă leo kan Đảng, ngih dak, tahen, ăp nuĭh tă kan cách mạng, nuĭh mê̆ Việt Nam anh hùng, kruanh tahen bâh ăp rơh năm pah kan. Ntoh lư ta rơh kahgĭt lah bôk nău kan nkoch ndrong nghệ thuật đah nău jŏ rlău 30 mnĭt, geh ăp nkô̆ njroh ntoh lư, mbơh tơih lĕ rngôch ntơm geh, nău tâm lơh, nău dơi bâh Tahen tâm ban kơt lah na nê̆ nău kan têh kuăng bâh Tahen ƀon lan Việt Nam tâm nău kan rdâk njêng n’hanh mât ngih dak. Mpŏng tât nău kan têh kuăng aơ, tâm ba năp nơh ta lam dak lĕ geh âk nău kan dŭt na nê̆. Lam dak lĕ geh rlău 1.830 nău kan vơt rhơn kahgĭt, đah rnoh khlăy 260 rmen prăk, mbơh tơih kơl prăk nkra mhe, ƀư ueh ntŭk mbah ryơk an 32 tahen Đội Việt Nam mbơh tơih rklaih đăp mpăn tahen, đah lĕ rnoh prăk 2,56 rmen prăk.