Nar 25/12, Groi Thủ tướng Chính phủ, Bộ trưởng Ngoại giao Bùi Thanh Sơn hŏ wơt wa Riad Malki, Nuĭh nsŏng kơl trong kan tâm boh dak bah dih, Nuĭh đă hăn kan mha êng bah Tổng thống Palestine dôl geh hăn khâl Việt Nam. Ta rơh wơt, Groi Thủ tướng Bùi Thanh Sơn lah rjăp nău mĭn bah Việt Nam lah ŭch tĭng trong nkra bar ngih dak, tâm nê geh  nău njêng du Ngih dak Palestine đăp mpăn n’hanh geh nău dơi ƀư tơm, nsing tâm trong n’har bri bah năp năm 1967 đah mpeh luh nar Jerusalem lah thủ đô, tâm di đah luật pháp dak bah dih n’hanh ăp nghị quyết geh tât bah Liên hợp quốc.

Nuĭh đă hăn kan mha êng bah thống Palestine lah rjăp Việt Nam lah trong ntĭt leo lor, lah tơm nđơr mbro an nuĭh ƀon lan Palestine rlăch ndăng tay nsĭt tay ăp nău dơi đăp mpăn, nău dơi n’glêh êng n’hanh nău dơi njêng Ngih dak Palestine đăp mpăn. Bar ding tâm ban ŭch joi tay ăp trong nkra bah jêr jŏt, ntrŭt ntrôl tâm boh tâm ăp trong kan săk geh êng ƀa ƀă kơt tăch rgâl, ntĭm nti, khoa học công nghệ, tuch tăm, n’hao âk tâm nđŭr văn hóa n’hanh buăt nthoi nuĭh ƀon lan bar dak. Kalơ nuih n’hâm  nê, bar ding tâm ban ŭch ntrŭt ntrôl an ƀư ăp trong tĭng tâm boh bar ding.