Kêng măng lơ 24/12, ta ntŭk kan Quốc hội, Kruanh Quốc hội Trần Thanh Mẫn leo rơh rƀŭn nchră bâh ủy ban rnâng kan Quốc hội an tâm rgop nău uănh n’hêl, ntrŭnh mbơh du đê̆ bôk nău kan ta trong tơm prăk, geh: Ntop geh nău nchrăp mpŏng kan bâh tơm prăk Trung ương an ăp ntŭk kan ba dâng gay ma ƀư tĭng nău kơl mât rnă njrăng rêh jêng yor Trung ương ntrŭnh ăp năm 2023-2024 n’hanh kơl trok prăk an rnoh biên chế nai nti geh ntop an năm nti 2022-2023, ntop geh nău nchrăp bâh tơm prăk trung ương an ăp ntŭk gay ma ƀư tĭng bôk nău kan n’hao nău mât uănh đah lĕ neh ntu geh tu tơm bâh ăp nông, lâm trường ngih dak aƀaơ yor ăp công ty tuch tăm, công ty mât bri êng, rnăk vâl, nuĭh kan geh dŏng, rnoh sŏk soăy mât ueh ntŭk gŭ rêh đah pring, xăng, nhơt tâm năm 2025. Tĭng nĕ, Ủy ban rnâng kan Quốc hội dơn ngoăy ntrŭnh Nghị quyết an ntoch jong mông nar ƀư tĭng Nghị quyết mbrô 9 đah rnoh dŏng dŭt âk lah 1,44% nău nchrăp geh, dŏng bảo hiểm xã hội, bảo hiểm thất nghiệp n’hanh mông nar ntoch jong tât lĕ 30/6/2025. Ủy ban rnâng kan lĕ nkah mbơh, aơ lah ntrong kan gay ma mât đăp mpăn nău leo pah kan mât uănh, bảo hiểm xã hội tâm nău ê hŏ năn geh nghị quyết mhe n’hanh dôl geh ƀư pă dăp ueh nău kan, leo kan bảo hiểm xã hội Việt Nam tĭng Nghị quyết 18.