Ôi lơ 24/12, ta Ngih kan Quốc hội, Rnâng kan ƀư Giải Báo chí lam dak mpeh Quốc hội ndrel HĐND (nau nkhôm Diên Hồng) tal pe, hŏ ƀư rơh rƀŭn Hội đồng chung khảo. Wa Phạm Mạnh Hùng, Groi Tổng Giám đốc Radio Việt Nam, Kruanh Hội đồng Sơ khảo mbơh, jêh rnôk săch tâm rnoh rlau 400 nau nchih râng rlong bah 163 ntŭk kan báo chí, Hội đồng sơ khảo sach geh 752 nau nchih. Lôch nê, Hội đồng sơ khảo hŏ nchră, tâm ban nau mbơh 105 nau nchih geh lăp chấm vòng chung khảo.

Ăp nau nchih hŏ mât tâm dăch ma nau rêh, âk ntil mpeh đề tài, nau kan ndrel nkoch kloh ăp nau kơl rđau kan mhe bah Bộ Chính trị, Rnâng kan rđau kan Trung ương gưl XIII, Tổng Bí thư Tô Lâm, ngăn lah ăp nau kan geh ndŏ luh ân neh dak ndrel lam ntrong kan chính trị geh nchrăp nau dơi, n’hâm ndrel nsôih leo neh dak lăp tâm rach năm mhe. Ăp nau nchih nkoch tât ăp nau kan bah Quốc hội ndrel HĐND ăp gưl, rgum tâm 3 n’gâng tơm bah Quốc hội nê lah, ndâk pháp luật, mêt uănh gưl prêh ndrel ntrŭnh ăp nau kan khlay bah neh dak./.