Jrô Cảnh sát wăng sa, Công an n’gor Dak Lak mhe n’glêh an lah phong, nhŭp kân 4 nuĭh tih dŏng dak si khêh ntrăm ƀư giá đỗ. Puăn nuĭh lah: Lâm Văn Đạo, Vũ Duy Tư, Nguyễn Văn Quynh n’hanh Nguyễn Văn Hảo mpeh nău tih quy định mpeh đăp mpăn srăch uĕh ndơ sa.

Bah năp nê, Jrô Công an wăng sa- Công an n’gor dja hŏ ôp uănh ndal 6 ntŭk ƀư giá đỗ ta nkual ƀon têh Buôn Ma Thuột n’hanh ban saơ 4 nuĭh dja dŏng dak si khêh gay ƀư ntrăm giá đỗ. Aơ lah dak si mô geh tâm săk dơi an dŏng tâm trong ƀư ndơ sa n’hanh săk dak si mât njrăng si tăm dơi an dŏng ta Việt Nam. Ta nhih pah kan công an, ăp nuĭh tih mbơh tâm năm 2024, mpôl dja hŏ tăch nklăp 2.900 tấn giá đỗ geh ntrăm dak si, rĭng ăp nar geh nklăp bah 8 tât 10 tấn.