Groi Thủ tướng Trần Hồng Hà mhe ƀư tơm rơh hop Ban rđău đă rdâk njêng, tĭng ƀư Đề án trong nchrăp ntuh kơl trong loih ot ngăch njăr Bắc - Nam n’hanh ăp ntŭk nchrăp ƀư trong loih khlay êng ƀa ƀă gưl neh dak. Ta rơh hop, kruanh rđău kan ăp Bộ hŏ tâm nchră mpeh ăp nkô̆: hun hao công nghiệp cơ khí njêng trong loih, ntĭm nti tơm nuĭh kan; trong nchră rgum tơm prăk; dŏng, ndơ̆ rgâl hăn tât ƀư tơm êng công nghệ; rƀŏng trong rdâk njêng rêng di, rnoh di gưl neh dak.

N’glôch jêh rơh hop, Groi Thủ tướng Trần Hồng Hà đă grêt dăch tĭng rnoh tât Nghị quyết mbrô 172 bah Quốc hội mpeh trong nchrăp ntuh kơl ƀư trong loih ot ngăch njăr Bắc – Nam. Nsing ta weh ƀư kỹ thuật rgum lam, Groi Thủ tướng đă Bộ Giao thông vận tải kan nsum đah ăp bộ, ăp n’gâng kan, ăp n’gor gay njêng ăp rmôt pah kan tâm tĭng nkô̆ na nê̆, ntơm bah nê, ntrŏng rnoh n’glĕ an dŏng neh, tĭng ƀư đă ntrơn du, rgâl dăp rgum tâm pă nkual, dăp rgum  na nê̆ gay njêng geh tơm neh hun hao nkual gŭ rgum, ƀon lan rƀŏng tĭng trong hăn, ntrŏng năl lĕ rngôch tơm prăk n’hanh trong nchrăp rgum gay tĭng ƀư.