Tâm bar nar lơ 20-21/4/2025, lĕ 218 xã, phường, nkuăl têh tâm Gia Lai ƀư nau sŏk nau rgop bah cử tri mpeh Bôk nau kan dăp rgum rmôt kan hành chính gưl xã. Aơ lah nhoat hăn khlay gay ƀư nâp nuih n’hâm rtŭt gleh bah ntrong kan hành chính bah Trung ương. Nau sŏk nau rgop geh ƀư nâp, tă bah nau rƀŭn nsum ân tât nau sŏk nau rgop đă tâm ngih, đăp mpăn ăp ntil ndrel kloh rvah. Tâm ƀon Ia Nueng, xã Biển Hồ, nkuăl ƀon têh Pleiku, nŭih ƀon lan rgop nau âk.

Ƀon lan ŭch ma nau kan pơk hvi xã Biển Hồ, nkre đă n’hao cán bộ rnoi mpôl đê̆ tâm nau kan tư pháp gay kơl an ƀon lan jêh rnôk tâm rnglăp. Rơh rlau aơ, n’gâng kan tâm n’gor hŏ nchrăp nau nkoch trêng, mbơh bôk nau kan ndrel lir mbơh tâm ăp ntŭk. Bah năp nê, Rnâng kan rđau kan Đảng bộ n’gor tâm ban nau ntrŭnh n’huch ntơm 218 jur hôm 77 rmôt kan hành chính gưl xã. Jêh rnôk sŏk nau rgop, UBND gưl xã mra mbơh nau rgum njoăl tât gưl ba lơ gay ma ntrŭnh ƀư./.