Rơh rgŏ jă “Ƀư rgâl nău mĭn, trong kan bah ƀon  lan rnoi mpôl đê̆, ƀư an ƀon lan rnoi mpôl đê̆ nsan hao klaih rlău ach o jŏ jong” hŏ lăp ngăn tâm nău rêh, dơi âk mpưm ƀon  lan tâm ban ŭch n’grŏ tĭng n’hanh nsrôih râng. Aơ lah nău uănh năl bah Tỉnh uỷ Kon Tum ta tâm nchră ƀư nar 6/5. 

4 năm aơ, ăp gưl n’gâng kan, nsum mpôl n’gor Kon Tum hŏ rdâk njêng, mât rlău 1.200 trong ntĭt leo ntop kơl ƀon lan rnoi mpôl đê̆. Ntơm bah ăp trong ntĭt leo dja, hŏ rgum geh rlău 140 rmen prăk ntop kơl nuĭh ƀon  lan hun hao wăng sa; rgâl uĕh tay mir tơm tăm rlŭ; nkoch trêng gĭt pháp luật; jut jăng nău way  ơm rluk mâl…Bah nê, kơl rlău 37.300 rnăk ƀon lan rnoi mpôl đê̆ ach o, dăch kêng ach o ntlơi mbrơi nău way ơm rluk mâl, gĭt dŏng khoa học kỹ thuật tâm nău kan; rlău 4.500 rnăk klaih rlău ach o jŏ jong.

Tỉnh uỷ Kon Tum lah rjăp nău nsĭt geh tam, nău khlay mât kơn mbro rơh rgŏ jă dja lôch n’glăp n’gor n’hanh trong leo ƀư n’gâng kan 2 gưl lăp kan tâm  let năp tay. Tỉnh uỷ Kon Tum n’gluh rnoh tât tâm năm 2025 mbra hŭch rnoh rnăk ach o, dăch kêng ach o ƀon lan rnoi mpôl đê̆ ntơm bah 3-4% rđĭl đah năm 2024./.