N’gor Kon Tum geh nău rƀŏng tât dŭt khay 6 tât mbra jêh nău jut ngih rông mpông sat an nuĭh ƀon lan. Yơn lah nău djôt dơn tay rlău 1.300 rnăk geh ngih rông mpông sat jêng n’gor an rgŏ jă tay tơm prăk an trong kan aơ.

Tĭng N’gâng kan Rnoi nuĭh n’hanh chroh rƀŭn n’gor Kon Tum, nkô̆ nău geh tay rlău 1.300 rnăk geh ngih rông mpông sat yor rnôk kơp uănh ngăch bôk năp jay gŭ dơi năl geh tâm di yor khuch trôk nar, phŭt sial jêng djơh, jŭr sat mô đăp mpăn; Tâm rnôk ƀư kơp uănh tay tĭng di rnoh an bah N’gâng kan Ndâk ƀư an geh tay rnoh rnăk dơi ntop kơl tĭng nău ntrŭnh; Năm geh ƀư sa, rgum lĕ bôk năp dơi ƀư tâm khay đêt ngăn jêng tât wĭ nuĭh dơi dơn. Mô kơp rnoh jay truh sat mhe geh, kơp tât lơ 21/5, n’gor Kon Tum lĕ ƀư tĭng ntop kơl jut jăng ngih rông mpông sat an 2.752 rnăk ŭch jut jăng jay truh sat.