Tĭng nău mbơh tơih ta rơh rbun nchră, khay 4, n’gâng kan wang sa geh hun hao tay, nău wang sa têh le geh đăp mpăn, lạm phát le mât njrăng bah, ăp nău kan têh le geh mât đăp mpăn đong,âk nău mpŏng kan, rnoh mbrô geh ueh lơn đah khay ba năp n’hanh đah khay aơ năm ba năp. Pah kan bư njêng  công nghiệp hao bơi tât 9%, le rnoh tăch nchrai drăp ndơ n’hanh nău geh dong ndơ hao rlău 10%..Ta rơh rbun nchră, Thủ tứơng Chính phủ Phạm Minh Chính lah na nê nău nsrôih, nău kan răng dăng n’hanh leo kan, tâm di, pah kan ueh min kan mhe tâm nău leo kan, ntim đă, leo kan gay ma bư ting dơi geh ăp nkô mpong kan têh, geh trong kan tơm- ne lah ntrôl an hun hao, mât njrăng lạm phát, đăp mpăn nău wang sa têh, mât đăp mpăn nău rêh jêng..Mpeh ăp trong kan, nău kan tơm khlay tâm let năp tay. Thủ tứong đă nchrăp na nê, kơl an ueh rơh rbun nchră tal 9 bâh Quốc hội. Thủ tướng đă an geh bư tay lôch nău way kan, bư kloh ueh, pă dăp tay nău leo kan ngih dak, ntrôl nău kan rgâl mhe hành chính, rgâl mhe rnoh mbrô. Thủ tứong đă ăp n’gâng kan, ăp ntuk kan tâm tâm năm 2025 n’huch dut đê lah 30% mông nar bư kan hành chính, nklơi jăng 30% nău dơi tăch rgâl.