Lơ 16/5, Sở Nội vụ n’gor Lâm Đồng mbơh nau, nchrăp geh bơi tât 1.100 nŭih cán bộ, công chức tâm n’gor mra rlu nau kan jêh rnôk ƀư nau kan rtŭt gleh ntrong kan hành chính 2 gưl. Dăp rgum rmôt kan hành chính, Lâm Đồng ntơm 137 ntŭk kan hành chính gưl xã jur hôm 51 xã, phường, huch 86 rmôt kan hành chính, tâm ban rlau 62% (hôm 2 xã Ninh Gia bah nkuăl Đức Trọng ndrel Bà Gia bah nkuăl Đạ Huoai hôm mât nâm ơm). Rnôk aơ, n’gor kŏ dôl ƀư ngăch ndăn nau kan dăp rgum 3 n’gor Lâm Đồng, Bình Thuận ndrel Dak Nông jêng du n’gor mhe tĭng nuih n’hâm nau ntrŭnh bah Rnâng kan rđau kan Trung ương Đảng.

Jêh rnôh dăp rgum, n’gor Lâm Đồng geh rnoh neh 24.233 km2, rnoh nŭih bơi tât 3,3 rkeh nŭih, lah n’gor hvi ngăn tâm lam dak. Tâm rnôk dăp rgum, n’gor Lâm Đồng nchrăp lôch khay 12/2025 geh 1.097 cán bộ, công chứcm viên chức, nŭih pah kan tâm n’gor rlu nau kan, N’gor mra dŏng 1.140 rmen prăk ân rnoh cán bộ rlu aơ tĭng nau ntrŭnh 178/2025 bah Chính phủ./.