Rơh rgo jă ta Đăk Lăk geh nău tât râng bâh ndơn kan Hội chữ thập đỏ 19 n’gor, nkuăl bbon têh ta nkual miền Trung, Tây Nguyên. Bâh ne le kơl an n’gor Đăk Lăk rlău 4,5 rmen prăk gay ma mbơh tơih ăp nău pạh kan khay tâm kơl. Mpeh đah Đăk Lăk, n’gor nchrăp mbra geh bư dut đê 4 bôk nău kan uanh săm ji, pă dak si mô sok prăk, rdâk njêng n’hanh nkra mhe 6 ntuk răk ngêt sông ta ăp nkuăl dut jêr jot, pă ndơ, pă ndeh vah jâng, học bổng, kơl nău rêh an ăp rnăk jêr jot, kon hoc ach o rlet rlău nău jêr jot an nti ueh. Aơ lah năm tal 4 Khay tâm kơl geh mbơh tơih ta lam dak. Đah bôk nău Ntrong kan tâm kơl- tre lam nău tâm rong”. Khay tâm kơl năm aơ pah kan bâh lơ 8-19/5, an geh nău rgum kan dut đê lah 400 rmen prăk gay ma mbơh tơih ăp nău pah kan tâm kơl.