Tâm mông nar răm m’ak bah ăp nar khay 3 têh, nkah gĭt 50 năm rklaih đăp mpăn Tây Nguyên, lơ 10/3, Groi Kruanh dak Võ Thị Ánh Xuân lĕ tât khâl, pah kan ta n’gor Kon Tum. Groi Kruanh dak lĕ tât xă Pờ Y, nkuăl Ngọc Hồi, ƀĭt joet Ƀư chào cờ ta n’gâng ntăm n’har bri Việt Nam-Campuchia. Di rơh aơ, Groi Kruanh dak an ndơ cán bộ tahen pôih n’har bri Pờ Y, djôt dơn nău nsrôih bah rmôt tahen n’har bri tâm nău mât njrăng ƀư tơm neh ntu n’hanh rnă njrăng n’har bri neh dak.

Groi Kruanh dak tât khâl, an ndơ Ban mât uănh n’hanh Hải quan mpông n’har bri Pờ Y, nkuăl Ngọc Hồi, Groi Kruanh dak lĕ an ndơ 30 rnăk dơi kơl, 30 rnăk ach o n’hanh 30 kon se geh nău rêh jêr jŏt. Nkoch bri đah cán bộ n’gor Kon Tum n’hanh nuĭh ƀon lan xă Pờ Y, nkuăl Ngọc Hồi, Groi Kruanh dak Võ Thị Ánh Xuân djôt dơn nău rgop, nsrôih bah Đảng bộ, n’gâng kan ƀon lan, tahen n’hanh nuĭh ƀon lan n’gor Kon Tum tâm rnôk tâm lơh tâm su kơt tâm đăp mpăn ndâk njêng ƀon tơm neh dak.