Xã Ea Bung geh njêng bâh ntơm nglăp nsum 2 xã ơm, geh rnoh neh rlău 390 km vuông, rnoh nuĭh rlău 9.700 nuĭh. Xã lĕ geh leo kan ueh aih lĕ trong kan n’gâng kan 2 gưl, rnoh săm ƀŭt rhŏ geh doh rklaih nău di nar ton n’hanh ta năp nar ton geh rlău 99%. Yơn lah, ta ntuĭk dôl mô tŏng biên chế, ndơ dŏng ntung trong, dak bât lĕ mô hôm ueh nâp, ƀư jêr an nău pah kan jan sa n’hanh nău rêh, rnoh rnăk ach o n’hanh dăch ach o hôm nha tât 35,4%.

Ta rơh pah kan, Groi Thủ tướng Hồ Quốc Dũng lah na nê, Ea Bung lah ntŭk geh n’har bri, nău rêh hôm nha âk jêr jŏt, yor nĕ an geh an lor rnoh kan ndơ dŏng khlăy, ngăn lah trong hăn n’hanh dak bât. Groi Thủ tướng đă ta ntŭk an geh uănh nđôi tay, pă dăp tay nău kan geh ƀư kloh ueh, n’hao an geh săk rnglăy nău pah kan n’gâng kan ta ntŭk an geh săk rnglăy, ntrôl dăng nău rgâl mhe rnoh mbrô, rgâl mhe nău kan hành chính, nta nău dơh nơih an nuĭh ƀon lan, ƀư kloh tay lơn ăp nkô̆ nău ach o gay ma geh trong kan kơl ngăn an ƀon lan.