Ntoh ngơi rơh rƀŭn, Groi Thủ tướng Rnâng kan Phạm Gia Túc nkoch klọh, Năm APEC 2027 dơi kruanh Đảng, Ngih dak n’hanh Chính phủ mĭn lah nău dơi têh hvi gay mbơh ƀư trong hăn tâm rnglăp nchră nău bah dih Đại hội 14 bah Đảng, gay n’hao nău nsing nơm lam ntŭr neh bah neh dak, nuih n’hâm mhe an hun hao wăng sa-rêh jêng, lơn lah đah Phú Quốc, n’gor An Giang n’hanh nkual Dâng rđŭng dak me Cửu Long.

Mpeh trong kan nchrăp nkô̆ nău Rƀŭn nchră gưl prêh APEC 2027, Groi Thủ tướng Rnâng kan lah rjăp aơ lah nău kan dŭt khlay, nkre lah rjăp, nău rƀŏng têh ngăn lah ƀư lôch uĕh du năm APEC geh âk nău uĕh Việt Nam, rgop dŭt n’hâm an đăp mpăn, kan ndrel n’hanh hun hao ta nkual châu Á-Thái Bình Dương n’hanh lam ntŭr neh