N’gor Lâm Đồng tâm rgop đah Học viện Chính trị Quốc gia Hồ Chí Minh ƀư rgum nchră khoa học “Ntrong ƀơ hun hao n’gor Lâm Đồng:  Nău geh n’hanh rgâl mh”. Jêh nglăp nsum ntŭk kan hành chính têh hvi bao bri krŏng yôk prêh tât duyên hải , bri dak âk ntil, nău geh lŏ mir công nghệ mhe, pâl nđaih, ŭnh nar, khoáng sàn ndrel nău uĕh văn hóa âk. Aơ lah dơi jêng ăp trong wăng sa, ntŭk hao hao jêng mhe kơt ntung n’hao boăt nthoi nkual. Yơn lah, n’gor rdâng đah âk ntŭl rlong kơt ntung trong mô tâm ban, boăt nthoi nkual hôm e đêt, ntrong ƀư jâng wăng sa mô tâm di đah nău geh, uĕh nâp nuĭh pah kan n’hanh nău geh an rgâl mhe mô tâm di nău ŭch hun hao.

Ntoh ngơi ta rgum nchră, wa Y Thanh Hà Niê Kđăm, Ủy viên Trung ương Đảng, Bí thư N’gor ủy Lâm Đồng an lah, Ăp ntròng ƀư hao jêng way ơm mô knŭng nău rmeh rgâl mhe, đă n’gor Lâm Đồng an joi trong hun hao mhe n’hanh nă7u mĭn têh tâm di đah ăp trong rgâl mrô n’hanh hao jêng uĕh nđĭr.

N’gor an du ntŭk nkơng mhe, mât nău mĭn têh rgâl mhe ntŭk jâng nsan bah n’gor Lâm Đồng tâm dak n’hanh nkual. Yor nê, Rgum nchră khoa học mô knŭng lah rƀŭn nchră gay he uănh lah tay ăp nău lĕ dơi ƀư, ma khlay lơn lah ntŭk tâm nchră sŏng dăng ta ăp nkô̆ nău khoa học n’hanh ngăn ngên joi ăp trong mkra geh nău rgâl tâm di, ƀư tĭng nău ŭch hun hao bah n’gor Lâm Đồng tâm rơh mhe.

Groi Giáo sư, Tiến sĩ Đoàn Minh Huấn, Ủy viên Bộ Chính trị, Giám đốc Học viện chính trị quốc gia Hồ Chí Minh, Lâm Đồng dôl dŏng âk nău geh tâm trôm mpeh bri dak, lŏ mir công nghệ mhe, ŭnh nar nkra njêng khoắng sản, pâl nđaih. Aơ lah nău geh bah n’gor gay hun hao ntrong ƀư wăng sa kloh uĕh, wăng sa tâm pleh, wăng sa dak lêng n’hanh ăp nău kan công nghiệp nkret njêng jru.

Rgum nchră rƀŭn tâm nchră ăp trong ƀư nău kơl êdng gay rgum rgâl mhe an hun hao n’hanh mât uĕh nău ƀư tơm bah ăp nkual wăng sa, ngăn lah wăng sa ƀư êng n’hao rgâl mhe ntrong ƀư hao jêng bah n’gor Lâm Đồng. Rƀŏng têh dăng đăp mpăn hao jêng rnoh mrô, tâm nĕ an ƀư kloh ăp trong mpeh tâ  pă gưl, tâm pă nău kan, rgâl ntŭk ntô tăch rgâl, n’hao uĕh nâp ƀĭt joet n’hanh săk rnglăy mât uănh hun hao./.