Quân đoàn 34 ntĭm rđău ăp ntŭk kan  đăp mpăn uĕh nâp n’hanh ngăch ndâk ƀư; nchrăp trong kan ntop kơl, ƀư tĭng rjăp ăp nău ntrŭnh mpeh răk năp đăp mpăn ndơ sông sa, đăp mpăn pah kan n’hanh mât uănh săk soan an tahen tâm lôch năm pah kan.

Rlău ma rmôt tahen Quân đoàn 34, tâm rơh hô aơ, N’gâng kan ntĭm rđău Tahen n’gor Gia Lai (Quân khu 5) râng ntop kơl ndâk ƀư ăp ngih samƀŭt nội trú 2 gưl ta nkual n’har bri mpeh bah lơ bah n’gor. Nău ndrel ty bah ăp ntŭk kan tahen mbra rgop ntrôl ngăch jêh ăp ndơ ƀư, nkre rêng hvi rup ndah nuĭh tahen Wa Hồ hăn ndrel đah ƀon lan tâm mât uănh nău kan ntĭm nti ta nkual n’har bri n’gor Gia Lai.