Nar 7/3 ta Cần Thơ, Groi Thủ tướng Trần Hồng Hà ƀư tơm rơh tâm nchră đah ăp n’gâng kan, ăp n’gor, doanh nghiệp mpeh  pah kan mât bôk kan tuch tăm, tăch rgâl phe ba. Groi Thủ tướng đă tâm nchră rgum rblang, uănh năl di nô nău phe ba aƀaơ ta ntŭk tăch rgâl lam ntŭr neh n’hanh tâm dak. Ndrel đah nê ƀư kloh ndơ lơh dĭng lăp tâm khay rek geh nău ba jŭr geh rnoh khlay thuk, ba mô jŭr geh rnoh khlay hao ƀư jêr jŏt an nuĭh ƀon lan.

Bah meng nê, ân tĭng groi nđôi, nchroh n’hanh rgâl di ntŭk tăch rgâl phe ba du trong nchrăp lor, nâp dăng. Let năp tay ân geh ăp trong nkra ăp kôp jŏ jong, rgâl bah hôm ma nkra nô nău jăch ndăn gay mât njrăng dơi ndơ tăch phe ba Việt Nam, mât njrăng dơi nuĭh ƀon lan krêp dêh tay đah nău kan tuch tăm. Tĭng nău mbơh, phe ba ta dak he nha hôm mât tuch tăm kơt ơm n’hanh tăch n’gluh hao âk ntŭk tăch rgâl đăp mpăn, êng năm 2024, tăch n’gluh phe bah Việt Nam rlău 9 rkeh tấn đah nsĭt geh tăch n’gluh âk rlău 5,75 rmen USD. Tâm 2 khay bôk năm aơ, tăch n’gluh phe bah Việt Nam nchroh geh 1,1 rkeh tấn.